Ilay Mpiandry tsara

Nilaza i Jesosy fa Izy no Mpiandry tsara, "Izaho no Mpiandry Tsara" Jaona 10: 11, ary isika no ondriny. Fa rehefa manota isika, dia miala amin'Andriamanitra ka very, sahala amin'ilay ondry amin'ny fanoharana. Tsy ho afaka mahita ny lalana miverina irery isika. Izany no nahatonga an'i Jesosy nandeha hamonjy antsika! Rehefa mino Azy isika, dia entiny mody any an-trano, any amin'Andriamanitra. Minoa fa tiany ianao.
"Raha misy olona manana ondry zato, ka mania ny anankiray moa tsy hamela ny sivy amby sivi-folo eny an-tendrombohitra va izy ka handeha hitady ilay nania? Ary raha tàhiny hitany izy, dia lazaiko aminareo marina tokoa fa mahafaly azy iny noho ny sivy amby sivifolo izay tsy nania. Ary tahaka izany, dia tsy sitraky ny Rainareo Izay any an-danitra, raha ho very na dia iray aza amin’ ireny madinika ireny." Matio 18: 12- 14
"Ary ny mpamory hetra rehetra sy ny mpanota nanatona hihaino an’ i Jesosy. Dia nimonomonona ny Fariseo sy ny mpanora-dalàna ka nanao hoe: Ilehity mandray ny mpanota ka miara-mihinana aminy. Fa Izy nanao izao fanoharana izao taminy hoe: Iza moa no olona aminareo, izay manana ondry zato, ka very ny anankiray, no tsy mandao ny sivy amby sivi-folo any an-efitra ka mandeha hitady ilay very mandra-pahitany azy? ary rehefa hitany iny, dia ataony eo an-tsorony, ka dia faly izy; ary rehefa tonga ao an-trano izy, dia mamory ny sakaizany sy ny namany ka manao aminy hoe: Avia hiara-mifaly amiko; fa efa hitako ilay ondriko very. Lazaiko aminareo fa hisy fifaliana toy izany any an-danitra ny amin’ ny mpanota iray izay mibebaka noho ny amin’ ny olona marina sivy amby sivi-folo, izay tsy misy tokony hibebahany." Lioka 15: 1-7.